Twa Snitsers,
ien tandem.

It tal minsken, ideeën en spontane ûndernimmingsdrang dat alle dagen by Allard de revu passearret, is hast net by te hâlden. In raszuvere Snitser mei in flotte babbel, in sûne doasis bravoer en in oanwêzigens as wie er persoanlik ferantwurdlik foar de sfear yn ’e romte. Dizze âlde reus fan de tandem hâldt fan tempo, dúdlikens en gewoan gas jaan sa gau as der earne potinsje leit.

Efter dy sosjale gevel sit boppedat in ferrassend skerpe tinkwize en ien dy’t kânsen rûkt as wie er der biologysk foar boud. Jou him in heale kâns en foar’t jo it witte leit der ynienen in folslein plan op tafel dêr’t menich marketingburo trije kwartaalgearkomsten foar nedich hawwe soe.

Persoanlik soe ik it wol witte... as dizze topfint oanbelt mei in idee, soe ik op syn minst efkes de doar iependwaan.

Didaktysk sterk, ferbaal fantastysk en útrist mei in sosjale lenigens dêr’t menich minske jaloersk op wêze soe. Lars is it type dat him yn elke situaasje sûnder muoite oerein hâldt en oeral petearen nei him ta lûkt, as hie er it skript foarôf lêzen.

Wat dizze gozer ûnderskiedt, is de suvere manier wêrop’t er dingen oerbringe kin: helder, skerp en tige dúdlik. Dêrneist hat er in hast soarchlik soad enerzjy en ideeën, wêrtroch’t brainstormsesjes mei him geregeld útdraaie op folsleine ûndernimmingsplannen.

Doch dêr in sûne doasis karisma en in flugge tinkwize by, en jo hâlde ien oer dy’t oeral automatysk sfear én tempo bringt. In bysûnder gefaarlike kombinaasje foar konkurrinten, mar in absolute wrâldgozer om oan jo side te hawwen.